Sarap folketingimi sulisui piareerluinnarput

På foto ses fra venstre: student, Nick Bæk Heilmann (læser international politik, CBS), student, Anne-Katrine Brandt Olsen (læser statskundskab, K.U.), student, Gerth P. Olsen, (læser økonomisk markedsføring, CBS), MF Sara Olsvig, akademisk praktikant, Karsten Peter Jensen (læser samfundsvidenskab, Ilimmarfik, Nuuk) og konsulent Lotte Brøns Symes

Sara Olsvig aamma Inuit Ataqatigiit Folketingimi maanna Christiansborgimi nammineerluni allattoqarfimmini tamakkiisumik inissisimalerpoq. Atorfilittat katitigaapput sulisunik nutaanik aammalu maanna atuukkunnaartumi Folketingimi Atlantikup Avannaani Suleqatigiinni sulisuusimasunik

Nick Bæk Heilmann , CBS, Anne-Katrine Brandt Olsen K.U. , Gerth P. Olsen, CBS, MF Sara Olsvig, Karsten Peter Jensen, Ilimmarfik, Nuuk, konsulent Lotte Brøns Symes.Sara Olsvigip Inuit Ataqatigiit sinniisuuffigalugit Folketingimut iserneraniit ulloq siullermiilli ullorsiutit ulikkaaqqalluarfiginikuuaat inatsisiliortut suleriaasiannut pulaniarneq, ataatsimeeqattaarnerit, ataatsimeersuarnerit pissanganartut, angalanerit allarpassuillu. Ilutigisaanik allaffeqarfimmini Christiansborgip hiistertarfimmut sammisortaaniittumi inissitsiternikuuvoq atorfinitsitsisimallunilu inunnik suliassarpassuarnik pissanganartunik ilaatigullu aallartisarneqareersunik kivitseqatigisinnaasaminik.

”Nuannaarutigeqaara tulluusimaarutigalugulu suleqatigiiit uku pikkorissut katersorsinnaasimagatsigit. Suliassamaatigut qilanaaraakka, qilanaaralugulu IA-p Folketingimi suliaasa nanginnissaat, sulisuma ikiortigilluarnerisigut”, Sara Olsvig oqarpoq.

Allaffeqarfiup tamakkiisumik inuttarivai ilinniagaqartuujutigalutik sulisut Gerth P. Olsen, Anne-Kathrine Brandt Olsen aamma Nick Bæk Heilmann, ilisimatusartutut ilinniarnerminut atatillugu suliffimmiittoq Karsten Peter Jensen, kiisalu siunnersorti Lotte Brøns Symes. Ilinniagaqartuujutigalutik sulisut pingasut tamarmik immikkut allaffeqarfimmi suliassanik assigiinngitsunik akisussaaffeqarput. Sarap pingaartippaa sulisut tamarmik ataasiakkaarlutik Folketingimi suliassanik misilittaanissaat.

”Ingerlaavartumik inuttassaarsiugaanngikkaluanik suleqataarusuttunit qinnuteqarfigineqartarpugut, nuannaarutigeqaarpullu ilinniagaqartuujutigalutik sulisussanik atorfinitsisisinnaanerput. Immikkut nuannaarutigaara ilinniagaqartuutitta politikkip silarsuaa pillugu immersorneqarsinnaanerat paasisaqarsinnaanerallu. Neriuppunga tamanna ilinniarnerminnut iluaqutigilluarumaaraat. Uannut pingaartuusimavoq pingaartuujuarlunilu ilisimatusartutut ilinniarnermut atatillugu sulifimmiisinnaanermut neqerooruteqarsinnaanissaq. Uanga nammineq ilinniartuuninnit nalunngilara, qanoq politikkikkut sulinerup paasisaqarfigisinnaaneranik periarfissinneqarneq pissarsinartigisoq. Ilinniarnerminut atatillugu suliffimmiissinnaasumik atorfinitsivugut, taannalu qaammatit tallimat maani suleqataassaaq Ilisimatusarfimmi ilinniagaqarnerminut atatillugu. Aaqqissuussineq tamanna pitsaalluinnartuuvoq, anguniarusupparalu tamatuma ukiuni Folketingimi ilaasortaagallarninni nangittumik ingerlattarnissaa”.

Allattoqarfimmi aalajangersimasumik sulisutuaasutut Lotte Brønsip Sara Olsvig ulluinnarni qanimut suleqatigivaa, peqatigiillutillu suliassat assigiinngissitaartorpassuit pilersaarusiortarpaat pingaarnersiuiffigisarlugillu.

”Marlunnik ilaasortalimmik folketingimi suleqatigiiusimasuniit kisimiilluni sinniisuuffilinngorneq aallarnisarnerup nalaani unamminartortaqarnikuuvoq. Assorsuaq nuannaarutigivara Lotte Brøns Symes Inuit Ataqatigiinnut Folketingimi siunnersortitut attatiinarsinnaagatsigu. Lotte assigiinngitsunik aallaaveqarluni ukiorpaalunngulersuni IAp suliai malinnaaffiginikuuai, uagutsinnullu allaffeqarfimmiittunut iluaqutaaqaaq Lottep annertuumik misilittagaqarnera ilisimasaqarneralu atorluarsinnaagatsigit”.

Sarap ungasinngitsukkut nammineq nittartakkani saqqummiutissavaa, tassanilu suliniuterpassui malinnaavigineqarsinnaassapput. Taassuma saniatigut Sarap sulinera facebook’imi ilaasortaaffiatigut malinnaavigineqarsinnaavoq.

Leave a Reply

Inuit Ataqatigiit Kattuffiat

Imaneq 2
Postbox 321
3900 Nuuk
Kalaallit Nunaat
Phone: (+299) 329888
Website: http://www.ia.gl
Email: ia@ia.gl