PRAKTIKKERTUSSARSIORPUGUT

2013-ip ukiaanerani semesterip nalaani ilinniagaqartumik (akademisk) INUIT ATAQATIGIIT Inatsisartuni praktikkertussarsiorpugut

 2013-imi Inatsisartunut qinersineq naammasseqqammerpoq, piffissarlu aggersoq illua’-tunngiliuttut partiit annersaattut Inuit Ataqatigiinnut unammillernarlunilu pissanganartupilussuuvoq. Inatsisartuni gruppitsinni qinikkat politikeritut nukittulluinnartut Inatsisartuni ataatsimiititaliarpassuarnilu sulinissatsinni annertuumik sunniuteqartussaavugut.

Inatsisartut ataatsimiinnissaat aalartissaaq 13. september. Inuit Ataqatigiit siunertaraarput pisarnitsitut pimoorussilluta sulinissarput, kaammattorpatsigillu ukiamut suleqataanissannut.

Taamaattumik neqeroorpugut ilinniagaqartumut praktikkerfissamik (akademisk praktikant), 15. august imaluunniit 1. september 2013 aallartissinnaasumik, piffissallu 15. januar / 31. januar 2014-ip tungaanut praktikkersinnaasumik.

Pisariaqarpoq inuiaqatigiit pissusaannut, politikkimut, sullisseqataanermut attaveqaqatigiinnernullu soqutigisaqartuuniussat, aammalu Inatsisartuni gruppimilu sulinermut soqutiginnittuunissat.

Suliffik ullut tamaasa pissanganartunik allanngorartunillu suliffiusoq neqeroorutigivarput. Gruppip politikkikkut suliniutai, inatsisit qanoq suliarineqartarneri politikkikkillu isumaqatigiinniartarnerit Inatsisartunilu sulineq qanimut malinnaaffigisinnaaneri tamaasa periarfissarissavatit.

 

Suliassatit ilaatigut makkuussapput:

–      Inatsisartuni ilaasortaatitagut sulianut assigiinngitsunut suleqatiginissai

–      Ilisimasariaqartunik nalunaarusiullattaarnerit

–      Allaffeqarfimmi sulisut suleqatigalugit isumaqatigiinniarnerit attaveqarnerillu

–      Inatsisartuni gruppitta § 37 tunngavigalugu apeqqutit suliarinerini ikiuuttarnissaq

–      Gruppip ataatsiminnerini peqataasarnissaq

 

Inatsisartuni sulinitsinni peqataajartornissannut kaammattorpatsigit.

Praktikkerneq akissarsiaqaataanngilaq, sap. ak. nal. ak. 35-it agguaqatigiissumik suliffiupput. Piumasaraarput semesteriqarnerpit nalaani ilinniarfiit ECTS pointinik pissarsinissat siunertaralugu praktikkernerit pillugu isumaqatigiissusiorfigissagit.

Qinnuteqarfissaq kinngulleq tassaavoq 1. maj 2013, nassiunneqassallunilu:

 

INUIT ATAQATIGIIT

Inatsisartuni

Att.: Allaffeqarfimmi pisortaq Hans Pavia Egede

hapa@inatsisartut.gl

 

Apeqqutissaqaruit mobiltelefonnr. 553112 aamma atorsinnaavat.

 

Inuit Ataqatigiit pillugit takujuk www.ia.gl aamma www.inatsisartut.gl

 

Inuit Ataqatigiit Kattuffiat

Attavigitigut/kontakt os

Imaneq 2
Telfon: (+299) 329888
Fax: (+299) 323232
Aningaaq: http://ia.gl
Email: ia@ia.gl