Inatsisartunut qinersineq 2014

 

INUIT ATAQATIGIIT. Inuit nammaqatigiissut – inuiaat nukittuut

 

Suleqatigiinnissamut neriunneq

Qinersinermit kingullermit ukioq ataaseq affarlu qaangiutiinnartullu qinerseqqittussanngorpugut. Novembarip 28-ni innuttaasut tamakkerluta nutaamik qinersinissamik periarfissaqalerpugut. Inuit Ataqatigiinnit nutaamik aallartinnisarput qilanaaraarput. Uatsinnut qitiulluinnarpoq inatsisartoqarnermut naalakkersuinermullu tatiginninneq pilerseqqissallugu. Patajaatsumik naalakkersuisoqarnissaq nunatta pisariaqartippaa, innuttaasuvullu tusaaneqarlutillu peqataatinneqassapput.

Qinersinissaq piffissami aalajangiilluinnartussami pisussaavoq. Aningaasaqarnikkut unammillernartumik inissisimavugut, naligiinnginneq annertusiartorpoq suliffissaaleqisullu amerliartuinnarlutik. Inuit Ataqatigiinnit akisussaaffimmik tigusissaagut, paasinartumik peqataatitsisumillu aalajangigassat imaannaanngitsut aalajangerniarnerini ingerlatsissaagut. Naalakkersuinermi suleriaatsinik nutaanik eqqussiniarpugut. Ilungersorluta siammasissunik isumaqatigiissusiortoqartanissaanik anguniagaqassaagut inatsisiliornikkut toqqissisimanissaq qulakkeerumallugu, ineriartornerlu patajaatsoq pilersikkumallugu.

Inatsisartuni Naalakkersuisunilu nutaani suliassat pinngitsoorani ingerlaannartumik aallartitassat saneqqunneqarsinnaanngillat.

  • Aqutsilluartoqartariaqarpoq – tassaanngaannartumik aalajangiisarnerit unittariaqarput.
  • Innuttaasut sinniisaat kingunissalimmik suleqatigiittut takorusulerpavut.
  • Aaqqissuusseqqinnissat pillugit siammasissunik isumaqatigiissusiortoqartariaqarpoq.
  • Demokrati annertusartariaqarpoq – innuttaasut oqartussaaqataatittariaqarpagut.
  • Akimut ersittumik ingerlatsisoqartariaqarpoq – naalakkersuinikkut allaffissornikkullu.
  • Aalajangiinerit eqqarsaatigilluagaassapput paasiniaaqqissaarnermik tunngavilersugaallutik.
  • Siunissamut qaamasumut neriuuteqarneq utertinneqaqqittariaqarpoq, inuiaqatigiinnullu iluaqutaarusunneq sakkortusartariaqarpoq.
  • Inuit Ataqatigiit ataqatigiineq, ikorfartoqatigiinneq, oqartussaaqataaneq naligiinnerlu anguniagaraat.

Sara Olsvig
Siulittaasoq

Inuit Ataqatigiit

Inuit Ataqatigiit Kattuffiat

Imaneq 2
Postbox 321
3900 Nuuk
Kalaallit Nunaat
Phone: (+299) 329888
Website: http://www.ia.gl
Email: ia@ia.gl