Kalistat Lund suleqataalluarsimaneranut qutsavigaarput

Kalistat Lund helikopterertartutut annaassiniaasartutut suliffini uterfigisariaqalerlugu nalunaarpoq. Inuk sullarissoq, pimoorussisoq, peqqissaartorlu Inuit Ataqatigiit qutsavigerujussuarparput.

2014-mi Inatsisartunut qinigaammali Inuit Ataqatigiit Kalistat tatigilluinnarlugu suleqatigisimavarput. Peqqissaartuummallu ilisimajuartarparput suliap iternga tikillugu misissorluaqqaarlugu isummersortuusoq saqqummiussaqartarlunilu.

Kalistat Inuit Ataqatigiit Inatsisartut gruppianni maqaasissavarput, qujaffigerusullugulu politikkikkut inuttullu qanimut suleqatigisimagatsigu. Helikopterimimmi annaassiniaasartutut allagartani annaassanngippagu suliffini piffissaqarfiginerullugu pimoorunnerullugulu aalluttariaqaleramiuk.

Kalistap Inatsisartuni paarlatsigissavaa Múte Bourup Egede, inatsisartuni sulinngiffeqarunnaarluni utissammat. Taamaalillunilu Múte siulittaasup tulliata aappaattut Inatsisartuni oqaaseqarsinnaanngussalluni. Kelly Berthelsen sinniisuujunnaarluni Inatsisartunut isivissaaq, Múte-lu Naalakkersuisutut ingerlaannassalluni.

Inuit Ataqatigiit Kalistap annertuumik pimoorussillunilu sanaartornermut aatsitassarsiornermullu tunngasusinik suliaqartarsimaneri sapinngisamik ingerlateqqissavagut, minnerunngitsumillu attaveqaateqarnikkut, uranimut kiisalu savaateqarnermut tunngasut.

Ilaatigut Kalistat ima oqarpoq:

“Nunatta ineriartornera aqussinnaanagu ingerlassanngilarput (…) Nunarput nammineerluta aqussavarput, avataaneersuninngaaniinngitsoq – pingaartumillu aatsitassarsiuutileqatigiiffissuarninngaanniit aqunneqassanngilagut”

Kalistat Lund ajunnginnerpaamik kissaapparput, qularinngilarpullu suliffini ilaquttanilu piffissaqarfigillualissagai.

 

Mimi Karlsen

Gruppeformand

Inuit Ataqatigiit

Inuit Ataqatigiit Kattuffiat

Imaneq 2
Postbox 321
3900 Nuuk
Kalaallit Nunaat
Phone: (+299) 329888
Website: http://www.ia.gl
Email: ia@ia.gl