Inuit Ataqatigiit upernaamut ataatsimiinnissamut piareerpugut

Inatsisartut upernaaq manna ataatsimiinnissatsinnut Kalaallisut oqaatsivut suli nukittorsaqqullugit, ineqarnermut aserfallatsaaliisarnerit aamma akiliutaasartut naapertuuttunngorsarniarlugit, kiisalu aalisartut atugaannut pitsanngorsarnissaanik siunertallit Inuit Ataqatigiit siunnersuutigaagut.

Inatsisartut upernaakkut ataatsimiinnissaat aallartippoq. Inuit Ataqatigiit Inatsisartuni oqallinnissamut qilanaarluta siunnersuutigut nassiunnikuuagut, ilaatigut qulequttat uku siunnersuutitta ilagaat:

  • Illoqarfiit anginerit avataani ajornannginnerusumik inuit illuliorsinnaanngornissaat
  • Umiatsiaararsortut ilisimasaat annerusumik uumasorsiuunik atorneqartalernissaat
  • Meeqqat inuusuttuaqqallu ikiaroornartumik atuilersimasut katsorsartissinnaanissaat
  • Tusagassiorfinni kalaallisut oqaatsit nukittorsaqqullugit siunnersuut
  • Sanaartornermi ilinniartut suliffeqarfinni misiliisinnaanerisa amerlisarnissaat
  • Namminersulivinnissatsinnut illersornissamut, sillimaniarnermullu piareersarnissamut oqallinneq siulleq.
  • Ungasianiit kiassarnerup annertunerusumik atorneqartalernissaa

Neriuppugullu paaseqatigiinnikkut oqallinnikkullu nunarput pillugu pitsaanerpaamik angusaqaqqulluta upernaakkut Inatsisartut ataatsimiineranni angusaqaqatigiineq piumaartoq. Tamattami ajunnginnerpaamik siunertaqarluta sulivugut partii sorliugaluaruttaluunniit.

 

Mimi Karlsen

Inuit Ataqatigiit gruppianni siulittaasoq

Inuit Ataqatigiit Kattuffiat

Attavigitigut/kontakt os

Imaneq 2
Telfon: (+299) 329888
Fax: (+299) 323232
Aningaaq: http://ia.gl
Email: ia@ia.gl