Bendt B. Kristiansen – Borgmesterissatut tikkuarparput

Qaasuitsup Kommunia Avannarlermi Inuit Ataqatigiinniit Bendt B. Kristiansen borgmesterissatut piukkunnarnerpaatut tikkuarparput.

Kina borgmester-inngorsinnaanersoq oqallinnermi Siumut kisiat qissiminneqaqattaarnerani isumaqartoqarporlusooq Siumut kisimi aquttuusinnaasoq – tamanna ersarissumik illuatungilerusupparput.

Ukiuni kingullerni Siumut borgmester-iutitaqarnerani innuttaasut kommunip aqunneqarnera annertuumik naammangittaalliutigiuarpaat, suli maannamut allaat. Tamanna ilaatigut pissuteqarpoq innuttaasut borgmester-imit peqataatinneqarnikuunngimmata, naak kommunalbestyrelse-p tamanna piumasaringaluraa.

Qingigaaffik kingulleq qiviaraanni takuarput borgmester-ip suliassani tamakkiisumik ingerlatinngikkaa, allaat kommunalbestyrelse-p siunertaanik akerlilersuinermik ingerlatsineq ersarilluni.

Inuit Ataqatigiinni Qaasuitsoq avannarlissami borgmesteriutitaqalernermi innuttasunik qanimut peqataatitsinissaq qulakkiissavarput.

Sumiiffinni ataatsimiititalianik pilersitsinikkut, nunaqarfinni aqutsisut annertunerusumik pisussaaffeqartinnerisigut, sulisartoqarnikkut inerisaaqqinnikkut, aalisarnermi, sanaartornermi, takornariaqarnermilu atugassarisaasut pittanngorsaaviginerisigut, isumaginninnikkut ingerlatsivinni inerisaaqqinnikkut, timersornermi kultuurilerinermilu avatagiisit pitsanngorsarnerisigut, meeqqat atuarfiata qaffasinnerusumut kivinnissaani angajoqqaat peqatiginerisigut minnerunngitsumillu kommunip aningaasatigut pilersaarusiornikkullu ungasissumut isigaluni aqqutissiorneqarnissaani.

Ingerlatsineq innuttaasunik peqataatsitsoq ilusilersussuarput Bendt B. Kristiansen katersuuffigalutigu borgmester-iusinnaasutullu tikkuarlutigu.

 

 

Qaasuitsup Kommunia Avannarlermi

Inuit Ataqatigiit

Inuit Ataqatigiit Kattuffiat

Imaneq 2
Postbox 321
3900 Nuuk
Kalaallit Nunaat
Phone: (+299) 329888
Website: http://www.ia.gl
Email: ia@ia.gl