Allan Pertti Frandsen: Vittus qujanaq

Vittus qujanaq

Kommuninut nalimmassaanermut atatillugu isumaqatiginninniarnernut tungatillugu isornartorsiuininnut Aningaasaqarnermut Nunamullu Namminermut Naalakkersuisup Vittus Qujaukitsup 2. juni 2014 akissutaa atuarpara.

Eqqarsaallannarpoq Aningaasaqarnermut Naalakkersuisup, Vittus Qujaukitsup, 1. juni 2014 isornartorsiuninni kisitsisit piviusut saqqummiussakka oqallisigerusunngimmagit.

Kommuneqarfik Sermersuumi aamma tupigusuutigaarput, innuttaasut akilerarutaat suli amerlanerusut – nunaqarfitsinnit 8-neersut, kiisalu Ittoqqortoormiineersut, Tasiilameersut, Paamiuneersut aamma Nuummeersut  – nunatta karsianut akiliutigineqassammata, aningaasartuutillu kommunip karsianit akilersorneqaannassallutik.

Assersuutigalugu, Namminersorlutik Oqartussat suliffeqarfiutaanni sulisut akileraarutaat nunatta karsianut nakkartinnissaat eqqarsaatigineqarpoq, Kommuneqarfik Sermersuumilu kommunip karsiata Namminersorlutik Oqartussat suliffeqarfiutaanni sulisut sullinneqarnerat isumagiinnassallugu, tassani pineqarlutik aputaajaanerit, meeqqat atuarfii, il.il.

Tamakku imminnut naapertuutinngillat, ingammik  piffissami Kommuneqarfik Sermersuumi aningaasartuutissat qaffakkiartortillugit, isertitallu appariartortut.

Ataaserlu qularnanngilaq: Kommuneqarfik Sermersooq aningaasatigut ajutuussaappat, tamanna nunatsinnit tamarmit aningaasatigut malunniutissaaq.

 

Inuulluaqqusillunga // Med venlig hilsen

Allan Pertti Frandsen, Inuit Ataqatigiit
Ilaasortaq / Medlem af / Kommunalbestyrelsen, Kommuneqarfik Sermersooq

Postadresse: Timerlia 46, 3905 Nuussuaq, Greenland

Mobil +299 598755, apfr@sermersooq.gl, www.facebook.com/ia.pertti

Inuit Ataqatigiit Kattuffiat

Attavigitigut/kontakt os

Imaneq 2
Telfon: (+299) 329888
Fax: (+299) 323232
Aningaaq: http://ia.gl
Email: ia@ia.gl