Inuit Ataqatigiit naalakkersuisooqatigiinni piumasavut aalajangersimasuusimapput

Inatsisartut siulittaasuata Naalakkersuisooqatigiit katitigaanerannik akisussaaffinnillu agguataarinnissimanerannik isornartorsiuinera Inuit Ataqatigiit pissusissamisuunngitsutut isigaarput. Naalakkersuisut suliassaqarfiillu agguataarneri Inatsisartunit taasissutaanikuupput Inatsisartullu siulittaasuannit tamanna ataqqineqarnerusariaqarpoq. Isornartorsiuineratali periarfissippaatigut sooq suliassaqarfiit aalajangersimasut akisussaaffigiumallutigit tigusimanerivut erseqqissumik nassuiassallugu. Isumaginninnerup pingaartinneqarnerata qaffannera Inatsisartut siulittaasuata tallimanngornermi 17. marts Nuuk TV-mi isumaginninnermut suliassaqarfik Inuit Ataqatigiinnit piumasaqaatigineqarsimannginnera oqarpoq. Erseqqissassavara eqqoriaaneq tamanna eqqunnginnerusinnaanngimmat. Inuit Ataqatigiit suliassaqarfik taannarpiaq pingaarnerpaatillutigu naalakkersuisooqatigiilernermi … atuaruk

Royal Greenland namminersortunngorsarneqassanngilaq

Aalisarnermut Naalakkersuisup tusarliuppaa RG namminersortunngorsarneqassasoq. Paaserusunnarpoq Naalakkersuisut tamanna ataatsimoorlutik eqqartorlugulu isumaqatigiissutigisimaneraat. Ilisimaneqarnerluni Nunarput sineriassuaqartoq isorartoorsuarmik najungaqariuserpullu siamasissorujussuummat, naleqartitaniileraangattalu amerlasuutigut aningaasatigut akilersinnaassuseq eqqarsaatigissallugu pisariaaruttarpoq. Inuiattut ataatsimoorullugit naleqartitagut Inuit Ataqatigiinniik pingaartitaraavut. Nunaqarfeqarpoq illoqarfeqarlunilu Royal Greenland-mit naalakkersuinikkut naleqartitat aallaavingalugit pisariaqartinneqartut tunngavingalugit tunitsiveqartinneqartunik, ilaatigut tassaapput nunarujussuup sineriattoorsuup najukkatta siamasissumik najungaqarfigisariaqarneranik pingaarutillit. Namminersorlutik oqartussat pigisaannik Royal Greenlandimik namminersortunngorsaanissaq inoqarfippassuarnut ipititsiartuaartussaq … atuaruk

Nunatta inukilliartornera unitsillugu siunissaq qaamasoq pilersitsigut

IA Sermersuup gruppianit isigalugu imaatut isikkoqarpoq: Kim Kielsenip assammi illuatugaanik tunngaviusumik inatsisiliornissamut aamma saammaasseqatigiinnissamut ataatsimiititaliarsuarmi millionerpassuit atorlugit uukapaatitsiniartutut ililluni namminiilivinnissamik Danmarkimillu ataqqineqalernissamik neriorsuisaqattaartitsilluni suliaqartitsiutigaluni – assammi aappaanik namminiilivinnissamut inuiaqatigiittullu imminut ataqqeqatigiinnissamut piviusorsiortumik suliniutit akerlilersortuannguarpai. Minnerunngitsumik IA Sermersuumi suliniutivut akerlilersorpai, kommunitsinni borgmesterinngortitseqqinnissani siunertaralugu. Uagut isumarput najoqqutaralugu innuttaasut nunatsinnit qimarrannerat aatsaat akimmisinneqarsinnaavoq – inuussutissarsiorfissat nutaat, suliffissat nutaat, … atuaruk

Kommunit tamarmik siunissamut takorluugaqassapput

Inuit Ataqatigiinnit Kommuneqarfik Sermersuumi kommunalbestyrelsip tamakkiisup kommuneminni siunissamut takorluugaqarlutik ineriartoqqinnissaq anguniarlugu pilersaarusiorsimanerat tunngaviusumik isumaatigut tapersersorparput. Inuit Ataqatigiit kommunini tamani periusissiortoqarnissaa ineriartoqqinnissarlu angussiillugu pilersaarusiortoqartalernissaa sulissutigiumavarput. Nunatta ineriartornissaanik takorluugaqarluta pilersaarusiussaagut. Alloriarfioqqittariaqartumi inissisimavugut. Nunatsinni innuttaqqortussuserput nikeriarneq ajuleqqavoq inuillu amerlasuut nunatsinnit nutsilersimapput. Inuit amerlanerit nunatsinniiginnarnissaat angerlaqqinnissaallu takorluukkatigut periusissiornikkullu aqqutissiuussisunik kommunivut tamakkerlutik pilersaarusiorlutik ilungersoqataasariaqarput. Ineqarnikkut pitsanngorsaavigineqarnissaq, paaqqinnittarfinni inissaqarnerunissamut, meeqqat atuarfiini … atuaruk

Arnaq nukittooq tamatsinnullu maligassiuisuusoq qimaguppoq

Nunarput arnamik malunnaateqarsimanerpaat akornanniittumik annaasaqarpoq. Henriette Rasmussen, Inna, siusippallaarujussuartumik  toqukkut qimaguppoq. Inuit Ataqatigiinni aliasungaarpugut ilaqutaasunullu qamannga pisumit misiginneqatigaavut. Inuk anersaakkut nukittooq,  inuit pisinnaatitaaffii, nunat inoqqaavisa pisinnaatitaaffii, arnat pisinnaatitaaffii naligiisitaanerlu pillugit suliaqarnermi siuttuusimasoq malunnaatilimmillu sunniuteqarsimasoq eqqissivoq. Henriette Rasmussen ukiuni qulikkaani amerlasuuni politikkikkut, nunat tamalaat akornanni nunatsinnilu suliaqarnermini tamatsinnut maligassiuisuuvoq. Inna qujassutissaqarfigeqaarput. Henriette Rasmussenip eqqissineranik tusarlerneqarnitsinni sineriak … atuaruk