Ataqqeqatigiilluni ingerlariaqqinneq

2017: Inuit Ataqatigiit ukiortaami oqaaseqaataat Ukiaq ukiorlu taarsiorfigisaqaavut, ullukinnerulli qaammarngup tamatigut utertarnera ukiumut nutaamut neriuuteqartitsiuartarpoq. Neriuppugut nunatsinni ukiup qaammariartoqqinnerani ullukinneq juullikkullu ilaqutariit tamarmik nuannersumik, qanilaarfiusumik, toqqissisimasumillu atorsimassagaat. Isumagisariallit suli annerusumik isumagitigit Ukioq 2016 Inuit Ataqatigiinnut immikkut ippoq. Naalakkersuisuni aammaarluta akisussaaqataalerpugut Nunarput tamaat pitsaanerpaamik nammanneqarsinnaasumillu politikikkut sullikkumagatsigu. Meeqqat ilaqutariillu meerartallit toqqissillutik inuuneqarnissaannik periarfissiinissaq Inuit Ataqatigiinnut pingaaruteqarpoq. … atuaruk

Inunnik isumaginnittut akissarsiaat qaffammata nuannaarutigaarput

Inuit Ataqatigiit nuannaarutigaarput Atorfillit Kattuffiata (AK) Namminersorlutik Oqartussallu  akornannit angusanik isumaqatigiissummik  naammassinnittoqarmat. Isumaqatigiinniarnerni Inuit Ataqatigiit isumaginninnermi siunnersortit akissarsiaqartitaanerat sivisuumik ilungersunartutut isigalugu  sammisarsimaqaarput. Sulinitsinni inuit atugaasa pitsanngorsarnissaanni, ingammillu meeqqat atugaasa pitsanngorsarnissaanni inunnik isumaginnittut pingaaruteqarluinnartutut isigaagut. Naapertuutinngitsutut isigiuarsimavarput meeqqat, inuillu atugaasa pitsanngorsarniarnerini sullissisuusut pitsaasumik akitigut, suliffitsigut atugarisatigullu pitsaanngitsumik pineqarnerat. Inuit, meeqqat pitsaasumik sullinneqassappata sullissisut aamma pitsaasumik atugaqartariaqarput. … atuaruk

Nunatsinni inuit pisinnaatitaaffii eqqummaariffiginerusariaqarpagut nunaqarfinni meeqqat pisinnaatitaaffii ilangullugit

Ullumikkut nunarsuaq tamakkerlugu Naalagaaffiit Peqatigiit FN-ip inuit pisinnaatitaaffiinut ulloritippa. Ukioq manna Inuit Pisinnaatitaaffiinut Ingerlatsiviup aamma Inuit Pisinnaatitaaffiinut Kalaallit Nunaata Siunnersuisoqatigiivisa nalunaarusiaq manna Kalaallit Nunaanni inuit pisinnaatitaaffiinut sammisunik sulinermi, immikkoortuni toqqakkani arlallinni, killiffik, aappassaanik saqqummiuneqarqammerpoq. Nalunaarusiami tassami immikkut maluginiagassaavoq meeqqat pisinnaatitaaffii isiginiarneqaleriartortut. Meeqqat pillugit FN-imi isumaqatigiissutip tunngaviit allaaserineqarput aamma assersutigalugu meeqqat siunnersorneqarnissaminnut, taperserneqarnissaminnut naammagittaalliorsinnaanissaminnullu periarfissaat allaaserineqarlutik … atuaruk

Angallanneq suli aaqqeriarfissaqarpoq

Nunatsinni angallannikkut aaqqitassat suli annertupput. Aamma aningaasaleeqqinneq unammillernermut maleruagassanut unioqqutitsissaaq, atorunnaarsitsinerlu suli inuiaqatigiinnut akisunerujussuarmik akeqartussaassalluni. Pitsaanerpaaq tassaalerpoq siusissukkut tullissaanut isumaqatiginninniarnissamut nutaamut piareersalereernissaq. Isumaqatiginninniarnermi sullarluttoqarsimavoq. Tamannalu massakkut nunatsinni angallannerup innarlerneqarneranik inuiaqatigiillu aningaasaataanik akisunaarinermik inerneqarluni. Pituttugaalereersimanerullu kingunerivaa massakkut angusaq pitsaanngularsimagaluarluni suli angallanneq equngasumik inissisimavoq akisunaarneqarlunilu. Aaqqiiniarluni aningaasaleeqqittoqassappat unammillernikkut maleruagassat unioqqutinneqassapput akiliisitaanerlu pissalluni. Isumaqatigiissullu atorunnaarsinneqassappat nutaamillu isumaqatiginninniarneq pilluni, aammattaaq … atuaruk

Innarluutilittatta periarfissagissaarnerulernissaat anguniartuartigu

Decemberip 3.-at tassaavoq nunarsuaq tamakkerlugu inuit innarluutillit ulluat. Inuiaqatigiiulluta pingaartittuartariaqarparput kikkut tamarmik ataqqineqarlutik inooqataanissaat. Pingaartittuartariaqarparput inuit innarluutillit atuagarisaasa pitsanngorsartuarnissaat. Peroriartornerminni, atuartitaanerminni, ilinniartitaanissamut suliffeqalernissamullu periarfissaasa inerisartuarnissaat, nutaanik periarfissanik ujartuinikkut.  Pingaaruteqarluinnarpoq inuit innarluutillit ulluinnarni inuuniarnerannut peqatigiilluta oqilisaajuarnissarput. Inuiaqatigiittut  pisussussaaffeqarpugut ilaqutariittut, nunaqatigiittut  oqallinnerni isummersoqatigiinnernilu peqataasalluta, inuit innarluutillit allatut isigineqartarnerat qaangerniarlugu aammalu inuttaaqataasutut misigisimanissaannut suleqataasalluta. Kommunit Namminersorlutillu Oqartussat ataqatigiissumik qanimut … atuaruk

Aningaasanut inatsisissaq 2017-moortoq amigartooruteqartoq, siunertagissaartorli akisussaaqataaffigaarput

Aningaasanut inatsisissaq 2017-moortoq amigartoortoq akuersaarparput, akisisu-sussaaqataaffigaarpullu naatsersuutigalutigu ukiut marluk qaanngiuppata nunatta karsiata aningaasaatai nalimmattunngorsimassasut. Naak nunatta karsiata 2017-mut amigartooruteqartussanngorlugu peqataaffigalutigu akuerseqataaffigisimagaluarlugu, taamaattoq isumaqatigiinniarnermi angusagut tulluusima-arutigalugillu nuannaarutigingaarpagut. Pissutigalugu, aningaasanut inatsisissaq 2017-moortoq: Isumarput malillugu inuppalaarnerulersissimagatsigu, inunnullu qanilaarnerulersillugu kissalaarnerulersillugulu. Isumaginninnikkut annertuumik nukittorsaanissamik imaqarluarmat; meeqqanik napparsimasunik, kræfteqartunik, uummalluttullu ikiorniarlugit nukittorsaataasinnaasunik, pitsanngorsaataasinnaasunillu imaqarluarmat. Inuit naligiinnerulernissaannik, ikiortariallit ikiorneqarnissaannik, pissakinnerusullu illersorneqarnissaannik pingaartitsisuummat … atuaruk