Qeqertarsuup tunuani kiffartuussinermut isumaqatigiissut atuutilersussaq akuerinngilarput

Qeqertarsuup tunuani kiffartuussinissamut isumaqatigiissut naammassineqartoq akuerinngilarput. Angallanneq ilungersunareersoq aamma ajorseriaqqippoq, imaatigut silaannakkullu angallanneq ataqatigiinngitsoq inuillu kiffartuunneqarnerat aaqqittariaqarpoq. Misissoreerlugu qimerlooreerlugulu matumuuna Qaasuitsup Kommuneani IA sinnerlugu kommunalbestyrelsimi ilaasortatut oqaatigissavara kiffartuussinermi isumaqatigiissut akuerinn-ginnakku. Kiffartuussinissamut isumaqatigiissutaasoq ullumikkumut atuuttoq naammaginnanngereeqisoq qalleqqiinnarlugu suli ajornerusumik isumaqatigiissusiortoqarsimanera akuersaaruminaappoq. Inuit Ataqatigiinniit pingaartutut isigaarput,  innuttaasut sukkulluunniit ukiup qanoq ilinera apeqqutaatinnagu  immakkut silaannakkullu kiffartuunneqarnissaminnut periarfissaqartinneqar-tuartariaqartut. Imaatigut … atuaruk

Kiffartuussinissamut isumaqatigiissutit atsiorneqarsimanngippata tunuartissigit

Tusagassiutitigut paasivarput kiffartuussinissamik isumaqatigiissutit suli atsiorneqarsimanngitsut.  Inatsisartuni ilaasortatut aningaasaqarnermut ataatsimiitsitaliaq kajumissaarpara piffissaagallartillugu kiffartuussinissamut isumaqatigiissutit suli atsiorneqarsimanngitsut tunuarteqqullugit. Taamaalilluni innuttaasut kissaataat sullinneqarnerallu ajorseriartinnagu kiffartuussinissamut isumaqatigiissutinik nutaanik suliaqapallattoqarniassammat.  Kiffartuussinissamut isumaqatigiissutit Naalakkersuisunit suliarineqarsimasut innuttaasut maanna atugaannik ajorseriartitsissappata aamma Inatsisartunit Naalakkersuisumut sinaakkusiunneqarsimasut avataatigut sulisoqarsimappat avaqqunneqarsinnaanngilaq Naalakkersuisuni akisussaatitsinissaq.    Múte Bourup Egede Inuit Ataqatigiit

Angallannermut Naalakkersuisoq akisussaatinneqarli

Angallannermi Kiffartuussinissamik isumaqatigiissut ajorpoq. Naammaginanngilaq angallannikkut inuit kiffartuunneqarnerat arlalitsigut kinguariaateqarmat. Ajorseriartitsineq soorunami akisussaaffigineqarpoq, akisussaasorli kinguneqartumik akisussaatinneqartariaqarpoq. Kukkuneq angivallaaqaaq, inuppassuillu soraarsinneqartussanngorput pilersaarutaanngitsumik. Tukattumik sulineq siunertaanngitsunik angusaqarfiuvoq. Inuiaqatigiit aningaasarpassuarnik aningaasaliiffigisaat ajorseriaateqarujussuarpoq. Naalakkersuinikkut akisussaaffik tigumminiaraanni aamma ulluni ilungersunartuni kiisalu suliani ajutoorfiusuni kinguneqartitsisarnissaq aamma pingaaruteqarpoq. Tamannali maannamut suli takunngilarput. Kukkuneq inuiaqatigiinni iluarineqanngeqisoq aamma inuiaqatigiinni akerlilersugaaqisoq naalakkersuisooqatigiinniit illersuinnarneqarmat inuiaqatigiit tupigusuutigaarput. … atuaruk

29. september – WHO-p nunarsuaq tamakkerlugu uummammut ullugititaa

WHO-p nunarsuaq tamakkerlugu uummatip ulluani kaammattuerusuppugut, nunatsinni innuttaasugut tamatta uummaterput paarilluassagipput. Uumatikkut napparsimalerneq sunniuteqartarmat annertuumik, inuunermillu kinguneqartarmat. Tamatta pinaveersaartitsinermik suliaqarsinnaagatta. Ullormut annikikkaluamik timerput aallatinnera pitsaasuuvoq, pinaveersaartitsisarpoq. Ilisimavarput uumaterput paarilluarusukkutsigu pujortarneq iluaqutaanngitsoq, ajoqutaasorli. Imigassamik atuivallaarneq, atueruloortarnerlu ummallulernissamut aqqutaapput. Ilisimasat annertusartigit, innuttaasut namminneq peqqissutsiminnut akisussaaffik tigullugu inooriaatsimik allannguisinnaalersillugit. Tamatta immitsinnut paarisa, ummaterput paarisigu. Qanortoq inuit iterluarsimagisi, ullorlu … atuaruk

Knud Kristiansen, kujataamiut ornillugit nassuiaakkiartorniakkit – unneqqarillutit!

Kujataamiuusugut angallannikkut sullinneqarnerput pitsaanngereersoq ajorseriassanersoq pitsanngoriassanersorluunniit tamatta, innuttaasut qinikkallu, paaserusoqaarput. Naalakkersuisoq pissutsit ajorseriannginnsisaannik neriorsuuteqarpoq, kisiannili Diskoline erseqqissumik oqaaseqarusunngilaq, ilisimasallillu assigiinngitsut aamma assiigiinngitsunik oqaaseqartarput. Taamaammat Naalakkersuisoq minnerpaamik Kujataanut isumaqatigiissutit qanorpiaq ittuunerinik erseqqissumik nassuiaajartortariaqarpoq. Innuttaasut juulliliarniarunik, juullillu kingorna uterniarunik qanorpiaq ittunik atugassaqarnerlutik erseqqissumik ilisimasariaqarpaat. Aamma Angallannermut Naalakkersuisup neriorsuutai qaavatigut aningaasartaqarsimappata minnerpaamik Inatsisartut ilisimareertariaqarpaat ilumut aningaasaleeqqittariaqassanerlutik, taakkulu sumit … atuaruk

Meeqqat atuarfiat aaqqivigigutsigu aningaasaqarnerput aamma aaqqiivigissavarput

Aningaasaqarnermut Siunnersuisoqatigiit pingasunngormat nalunaarusiartik saqqummiunnerani aammaartumik oqariartuutigaat ullumikkut pissutsit atuuttuusut ingerlaannarsinnaannginnerat. Taamatullu ukioq manna aningaasaqarnikkut immikkuullarissumik siuariarnerup aalisarnermit akit qaffasinnerinik aallaaveqarmat ataavartumik suliniuteqarnerup kingunerinngisaanik. Aningaasaqarnerput mumisinneqassappat Aningaasaqarnermut Siunnersuisoqatigiit oqariartuutigaat pisariaqarluinnartoq annnertuumik aaqqiissuusseqqinnissaq. Tamanna Inuit Ataqatigiit isumaqatigilluinnarpaat piffissanngorsoralugulu isumaginninnikkut unamminartorpassuit qaqilertortariaqarigut tigussaasumillu iliuuseqarfigalugit. Taakku oqaatigereerlugit uku immikkut qaqikkusuppagut. Meeqqat atuarfianni tigussaasumik iliuuseqarta Inuit Ataqatigiit isumaqataavugut kinguarsarneqaqqinngittumik … atuaruk

Ingerlatsineq nalorninanngitsoq, peqataatitsisoq tamanullu piumasaqaateqarfiusoq

Inuit Ataqatigiit ukiamut Inatsisartut ataatsimiinneranni suleqatigiinneq ujartorparput. Naalakkersuisut Siulittaasuata ammaanermi oqalugiaataani annerusumik isumaqataaffigisagut tassaapput isumaginninnikkut suliat pilersaarutillu, kiisalu meeqqat utoqqaallu atugaat, minnerunngitsumillu innarluutilittatta atugaannut tunngasut oqariartuutigiuarsimasagut. Kisianni kissaatigaarput suli annerusumik sapiissuseqarnerusumillu taakku sammineqarnerunissaat. Ammaanermi oqalugiaatitsinni pingaarnertut qulequttat tassaapput: Aaqqissuusseqqinnerit aallartillik! Upernaaq Attassisinnaanermik Siuariartornermullu pilersaarutip saqqummiunneqareernerani oqallinnittalu kingorna malitseqartitsinissaq anguniarlugu isumaginninnikkut, ineqarnikkut ilinniartitaanerullu iluini tunngaviusumik aaqqissuusseqinnerit … atuaruk

Aaqqeeqataanissamut piareersimavugut

Inuit Ataqatigiinniit sullissineq pitsanngorsarniarlugu aningaasaliissutit maannamut ikiliartortinneqartuarsimagaluartut amerliallatsinneqarnissaannut piareersimavugut. Minnerpaamiik kissaatigaarput silaannakkut kiffartuussinerup atuutileqqinnissaa. Nunap immikkoortuini suniluunniit, aamma sullissinissamik isumaqatigiissuteqarfiusuni, pilertortumik ataqatigiissumillu angalasoqarsinnaanera aningaasaliiffigisinnaasariaqarparput, tassami paarlattuanik pisoqarpat inuiaqatigiit atukkamikkut, niuernikkut inuussutissarsiornikkullu kinguariartulissammata. Taamaammat aningaasaliinngitsoornissamut akissaqannginnatta aningaasaliissutit amerlineqarnissaannut piareersimavugut. Ataqatigiiissumik sullissineq anguniarlugu misilittakkat pitsaasut pitsaanngitsullu ilinniarfigisariaqarpavut. Assersuutigalugu Qeqertarsuup Tunuani imaatigut silaannakkullu angallanneq ataqatigiinngitsoq pitsaanngitsunillu misilittagaqarfigineqartoq assiliinavillugu … atuaruk

Kiinnat nutaat, nukiit nutaat

Inatsisartut ukiaanerani ataatsimiillutik aallarteqqipput. Ataatsimiinnissaq una Inuit Ataqatigiinnut allattoqarfikkut aamma Inatsisartut marluk taarserallarnerisigut nutaartaqaqarpoq. Kiisalu Inatsisartut gruppianni siulittaasoq nutaaq toqqarneqarluni. ”Itiaaqaanga, immaqa pissangallungalu qilanaarnermik” ilaatigut Kelly Berthelsen, Kullak, Inatsisartuni inissaminut aggeqquneqalernermini oqarpoq. Tassaallunilu Hans Aronsenip sulinngiffeqarniarluni qinnuteqarnermini sinniisussaa. Kelly Ammassivimmiuuvoq Qaqortormi najugalik, atuakkiortuuvoq immikkullu politikkikkut soqutigisaqarfigalugit aatsitassarsiorneq aamma imigassamut tunngasut. Sunngiffimminilu guitarerluni erinarsoqattaarluni aliikkusersuiuarnera inuit … atuaruk

Kiffartuussinissamut isumaqatigiissutit ataqatigiinngillat

Inuit Ataqatigiit angallannermut kiffartuussinissamut isumaqatigiissutit Naalakkersuisunit maanna naammassisimaneqartut naammagisimaanngilavut. Kiffartuussinissamik isumaqatigiissutit innuttaasunut ataqatigiinngittumik sullinneqarnermik ajornerusumillu kiffartuunneqarnermik kinguneqartitsipput angalasunullu akisunerulersitsillutik. Isumaqatigiissutilli aamma pitsaaquteqarput taakkualu ilaat taasinnaasavut tassaapput meeqqanut utoqqarnullu akikillisaasoqarniarmat tamannalu aningaasalissallugu Inuit Ataqatigiit aalajangeeqataaffigaarput. Inuit Ataqatigiit aamma iluarisimaarparput angallannikkut silap sikullu ukiumit ukiumut qanoq innera tunngavigalugu angallassineq pitsaanerpaaq tulluarnerpaarlu ingerlatseqatigiiffimmik toqqarneqarsinnaasalernissaa. Kiffartuussinernili ataqatigiinngitsumik akuerineqarsinnaanngitsumillu inissiinerit … atuaruk