Naalakkersuisooqatigiit uranimut killiliinissaq pillugu isumaqatigiinngillat

Innuttaasut taasitinneqarnissaat pillugu oqallinnermi taasititsisoqarnissamut akerliusut Nunatta patajaatsumik politikkikkut ingerlatsinissaa innarlerneqarsinnaanasoralugu itigartitsipput. Taamatulli oqaraanni akunnerminni isumaqatigiinnermik takutissisinnaasoqassagaluarpoq, oqallinnermili akerlianik pisoqarpoq. Naalakkersuisooqatigiit akornanni patajaatsumik ingerlatsisoqarsimappat erseqqissumik oqarsinnaasussaagaluarput qanoq taava allatut iliuuseqarniarlutik. Naalakkersuisooqatigiimmi isumaqatigiissutaanni allassimavoq qummut nutaamik killiliissamaartut. Oqallinnermi Inuit Ataqatigiit partiit aperivagut. Aperigatsigilli qummut nutaamik killiliinissaq pillugu akissutaat assigiinngeqaat. Atassut 0,05%-mik (500ppm) ulorianartunik qinngornertalinnik piiaanissamut qummut … atuaruk

Naalakkersuisut Kommunalbestyrelset oqaloqatigiligit

Ippassaq Inastisartuni inatsisissatut siunnersuut imaqartoq, Naalakkersuisut kommunalbestyrelsep akisussaaffianik arsaarinnissinnaanissaanik, suliassanik uparuarneqareersunik suliaqartoqarsimatinnagu. Inuit Ataqatigiit erseqqissarparput, akuerinngilarput meeqqat inuusuttuaqqallu akuerineqarsinnaanngitsumik nalaataqarsimasut, kommunit sumiginnarneqarsimappata. Tamaviaarupparput inunnik sullissisut suliaasa qummut killilerneqarnissaat. Isumaqarpugut sullissisut ulapingaartaramik, suliassatik eqqissillutik suliarisinnaannginnerisa kingunerigaat, kommunini sumiginnaasarneq. Tamatta naatsorsorsinnaavarput, kinaluunniit suliassaqarpallaartoq sulisinnnanngimmat naammaginartumik, kikkut eqqorneqartarpat ? Tassa meeqqat. Ajornartorsiut qaangerneqarsinnaanngilaq Naalakkersuisoq suliassanik arsaarinnilluni nammineq suliassanut … atuaruk

Innuttaasunik taasititsineq Nunatta tatiginassusaanik nukittorsaassaaq

Innuttaasut taasitinneqarnissaat pillugu aalajangiinissamut akisussaaffik maanna tamakkiisumik naalakkersuisooqatigiit partiivisa tigummivaat. Inuit Ataqatigiit innuttaasut taasitinneqarnissaannik siunnersuuterput, Inatsisartut ataatsimiinneranni immikkoortoq 97, illuatungiliuttunit ataatsimoorfigineqarpoq. Naalakkersuisut Inuit Ataqatigiit siunnersuutitsinnut akissuteqaamminni allapput, innuttaasunik taasititsisoqassappat Kalaallit Nunaata tatiginassuseqarnera ajoquserneqassasoq. Inuit Ataqatigiinnit tamanna isumaqatiginngilarput. Akerlianik isumaqarpugut, taasititsineq Nunatta tatiginassusaanik nukittorsaassasoq. Pissutsit piviusut ullumikkut atuuttut takutippaat innuttaasut uranimik ulorianartunillu qinngornertalinnik allanik piiaanissamut avissaartuuteqqammata. … atuaruk

Naalakkersuisooqatigiit isumaqatigiissutertik puigoramikku?

Inuusuttut Ataqatigiit nuannaarutigaat partiit assigiinngitsut pingasut taasisitsinissamut tunngasunik Inatsisartuni siunnersuuteqartoqarnera. Tamanna ersarilluinnartumik takussutissaavoq nunatsinni uranisiortoqarsinnaaneranut apeqqut qanoq politikkikkut pingaaruteqarluinnartigineranik. Taamatullu partiit pingasut siunnersuuteqarneratigut erserpoq qanoq aatsitassanik qinngornernit ulorianartunik akulinnut tunngasunik eqqartuisoqarnissaa suli pisariaqartoq. Inuusuttut Ataqatigiinni naalakkersuisooqatigiit isumaqatigiissutaat qimerluuataarsimavarput, naalakkersuisooqatigiinnermullu isumaqatigiissutiminni uraneqassusermut tunngasumik killiliussinissamik suliaqarnissaminnik isumaqatigiissuteqarsimapput. Tamanna isumaqarpoq naalakkersuiusooqatigiit naammaginngikkaat nunarput qinngornernut ulorianartunut politikkeqannginnerat. Taamaattumik apererusunnarpoq … atuaruk

Innuttaasut taasitinneqarnissaat pillugit oqaloqatigiinnissanut Inuit Ataqatigiit qaaqqusivugut

Inuit Ataqatigiit partiinut Inatsisartunullu ilaasortanut urani pillugu innuttaasunik taasititsinissamik siunertaqarlutik saqqummiussisimasunut ataatsimeeqatiserinnipput. Inatsisartuni upernaami ataatsimiinnermi siunnersuutit taasititsinissamik imallit pingasuupput. Siulliit marluk, Atassutip Inuit Ataqatigiillu siunnersuutivut, pingasunngornermi apriilip 27-ni siullermeerneqassapput. Inuit Ataqatigiit Atassutip siunnersuutaa soqutiginartutut tiguarput. Atassut siunnersuutiminnut naqqiutinik arlalinnik saqqummiussisimapput oqaloqatigiinnermilu paaserusupparput siunnersuutiminni qanorpiaq siunertaqarnersut. Siunnersuutivut pingaarnertut innuttaasunik taasititsinissamik imallit naapiffeqartissinnaanerlutigit oqaloqatigiinnerni qulaajaajumavugut. Neriuppugut partiit … atuaruk

IA: Apartheid-mut assersuussineq sakkortuumik akerlilerparput

Apartheid-p Nunatsinnut assersuunneqarnera atorsinnaanngilaq. Taamatut assersuussineq nunani allani apartheid-mik naalakkersueriaatsinik eqqugaasimasunut ataqqinninnginneruvoq sakkortooq. Apartheid ammip qalipaataa tunngavigalugu inatsisitigut aalajangersakkamik immikkoortitsineq toqqammavisigisimavaa toqoraanernillu inuiannillu naalliutsitsinernik annertuunik kinguneqartitsisimalluni. Apartheid-mut assersuussineq annertuumik eqqunngitsumik paasissutissiineruvoq. Nunatsinni naligiinnissaq naligiissitaanerlu Inuit Ataqatigiit anguniagaraarput. Immikkoortitsinernik naligiinnginnermillu akiuinissamut iliuuseqarnissamut tamanik qaaqqusivugut. Oqallinnermili kamassarneq uumissuinerlu atorneqassanngilaq. Oqallinnermili pisariaqartumi apartheid-mik assersuussinerit kamassarnerillu avissaartuutitsinermik annertuumik pilersitsissapput, … atuaruk

Silap pissusaa: Immitsinnut qaffasissunik anguniagassitta

Naalakkersuisut nunat tamalaat akornanni silap pissusiata allanngoriartorneranut akiuinissamut isumaqatigiissummut Parisimi COP21-meersumut Nunatta atsioqataannginnissaa aalajangiussimavaat. Issittumi najugaqartugut silap pissusiata allanngoriartorneranut eqqugaanerpaat ilagaatigut peqataannginnerpullu taamaammat paatsoornartortaqarsinnaavoq. Ilisimaaraarput Nunatta nunat tamalaat akornanni silap pissusia pillugu isumaqatigiissusiornerni inissisimanera imaannaanngitsuummat. Nunattali peqataaniarnani nalunaarnermini nammineq anguniakkatsinnik saqqummiussinnginnera imminut assortortutut isikkoqalersitsivoq. Silap pissusianut naleqquttumik sanaartorta Iliuuserisinnaasavummi amerlapput. Suliassaqarfinni tamani silap pissusiata allanngoriartorneranik … atuaruk

Akitsuutinik suliaqarneq tatiginanngilaq

Ullumikkut Partii Naleraq kiisalu Inuit Ataqatigiit Aningaasaqarnermut Aatsitassanullu Naalakkersuisumik tatiginnikkunnaarlutik taasisitsipput. Tatiginnikkunnaarnermut tassititsinitsinnut toqqammaviuvoq Naalakkersuisut akitsuutit pillugit suliaqarnerat torinngilluinnartumik eqqunngitsunillu tunngaveqarlutik suliaqarsimanerat inuiaqatigiinnut akeqarmat. Akitsuusersuiniarnerit pineqartut ukiarmili naalakkersuisunit saqqummiunneqarmata naalakkersuisooqatigiit akornanni isumaqatigiinnginnerit saqqummeqattaarput. Suleriaaseq naalakkersuilluarumasunut naleqqutinngilluinnartoq atorneqarpoq. Taamatut suliamik ingerlatsineq niuernermik inuussutissarsiortunut nalornititsinermik annertuumik pilersitsisimavoq, maannalu suli atuulluni. Kukkunerit upernaarmanna torersumik aaqqinneqarsimasinnaagaluarput, takusarpulli allaavoq. Tukattumik … atuaruk

Aalisakkanut akitsuutit amigartooruteqarnissamut matussusiiniaannarluni eqqunneqartassanngillat

Inuit Ataqatigiit Inatsisartuni oqaluuserisassani immikkoortoq 23-mut, inatsit ilaatigut aalisakkanut ikerinnarsiortunut akitsuuseeqqinnissamut tunngasumut, Naalakkersuisut akitsuusiinerussallutik siunertaannut ullumikkut tallimanngorneq apriilip 15-ni siullermeerneqartumut taama isikkoqartillugu akerliuvugut. Aalisakkanut akitsuutit pisuussutittalu inuiaqatigiittut isertitsiffiginissaat akerlerinngilarput kisianni sakkortuumik inassutigissavarput akitsuusersuinerit eqqarsaatigilluagaallutillu peqqissaartumik suliarineqartassammata. Ukiuni kingullerni arlaleriarluta takuarput suliaq torersumik suliarineqanngimmat aningaasat isertitassaasutullu missingiunneqarsimasut isertinneqanngitsoortartut. Allaat akitsuusersuiniarnerit ilaat aningaasanut inatsimmut kusassaataannartut taaneqarsinnaasutut isigaavut. … atuaruk

Innuttaasunik taasititsinissaq isumaqatigiissutigisigu

Inatsisartuni nunatsinni uranimik passussinissamut Danmarkip inatsisiliorneranut oqaaseqaateqarnermut saqqummiussissut Ukioq manna Nunatsinni upernassanersoq nalorninarpoq. Tamat oqartussaaqataanerannik ingerlatsinerput aaqqissimanagu, innuttaasunik peqataatitsinnngitsoorluta ullumikkut suliassat uku Inatsisartuni suliarivagut. Upernaami silap kissatsikkiartuaarnerani qaammariartuaarneranilu neriuuteqarneq pinngortaraluarpoq. Innuttaasorpassuit tallimanngormat neriuuteqarlutik sassarfigaatigut, ingerlaaqatigiinnerminni oqariartornerminnilu innuttaasut urani pillugu taasitinneqarnissaannik piumasaqarlutik. Upernaaq manna pisut tamat oqartussaanerannik ingerlatsinitsinnut aalajangiisuussapput. Partiit pingasut, Inuit Ataqatigiit ilanngullugit, urani pillugu innuttaasunik … atuaruk