Ukioq 2016 naligiinnerulernissamut alloriarfiussaaq

Inuit Ataqatigiit ukiortaami oqaaseqaataat Ukioq 2015 qaangiuppoq. Inuit Ataqatigiit neriuppugut Nunatsinni innuttaasut tamarmik juullip ullui atorluarsimassagisi ukiullu ingerlanerani angorusutasi, pitsaaninngortikkusutasi peqataaffigerusutasilu naammassisimallugit misigisimassasusi. Namminersorneq pappilissami allassimasuinnaassanngilaq Inuiaqatigiittut anguniakkat erseqqissut ataatsimoorussaasullu, naalakkersuinikkut ataqatigiissumik ingerlatsineq innuttaaqatigiittullu isumassueqatigiinneq Inuit Ataqatigiit qitiutippavut. Inuiaqatigiittut Namminersorneq pillugu inatsisitsinnut malitseqartitsisumik alloriaqqinnissarput tamattaalluta ataatsimoorlutalu suliassaraarput. Allorissaaqatigiinneq siunnerfeqaqatigiinnerlu 2015-mi naalakkersuinikkut ingerlatsinikkut amigaataasimasut suliarisariaqarivut Inuit … atuaruk

Siunnerfeqaqatigiinneq ataqatigiinnerlu

Qinigaaffiup Nunatsinnut pingaaruteqaqisup ukiua siulleq ingerlasimalerpoq. Maanna aaqqiinissamut namminersornerullu eqqussimasatta piviusunngortinnissaanut aqqutissatsinnik sanarfinissamut piffissanngorpoq. Inuiaqatigiinnik isumassuineq inuiaqatigiillu iluannit pinngortitsinissaq Inuit Ataqatigiinnut pingaarnerpaavoq. Inuuniarnikkut naligiinnerulernissaq nunatsinni anguniagarisariaqarparput. Tamanna mittarfinnik talliliinikkut sanaartugassanilluunniit sumiiffimmit sumiiffimmut nuutsitsinikkut nammineerluni pinavianngilaq. Aatsaat inuiaqatigiittut naligiinnginnerup akiorneqavinnissaanik siunnerfeqaqatigiilerutta naligiinnerulernissaq angusinnaavarput. Siunnerfeqaqatigiinnerit ataqatigiinnerlu naalakkersuinikkut qinigaaffiup ukiuisa siullianni amigaataasimasut suliarisariaqalerpavut. Isumaginninneq annertuumik sammineqassaaq Inatsisartuni ammaanersiorluta … atuaruk

Sisimiuni Inuit ataqatigiit ulloq 6.dec- 2015 ataatsimeersuarneminniit oqaaseqaatigiumasaat.

Uparuagassatut pingaarnertut Qeqqata kommunea Kangerlussuup mittarfiata mittarfissuartut atorunnaarnissaanut Naalakkersuisut suliniuteqarnerat. SIA-miit iluarisimaarparput Inatsisartuni isumaliuutissiiissutikkut Kangerlussuup misissueqqaarnermi ilanngunneqarsimanera, taamaanngippat tassa massakkumiit , mittarfissuartut atorunnaarnissaa suliniutigineqarluni aallartissimassagaluarmat. SIA-miit Siumut Sisimiut, Atassut Sisimiut, Demokratillu suleqatigiumavagut iliuuseqarnissamut. Kaammattorpagut Kattuffitik, Naalakkersuisuutitatillu sunnerniaqqullugit, Kangerlussuup mittarfissuartut atuinnarneqarnissaa anguniarlugu. Qularutissaanngimmat tamanna anguneqanngippat , Qeqqata kommuneanut assorsuaq pitsaanngitsumik kinguneqartussaasoq. Inatsisartut ukiaanerani ataatsimiinnera naammassisoq maluginiarneqartariqarpoq, … atuaruk

Aningaasaateqarfik Destination East Greenland nutaamik siulittaasoqalerpoq. Naalakkersuinikkut anguniagaq Inuit Ataqatigiinnit anguneqarpoq

Inuit Ataqatigiit kommuneqarfiup iluani ukiuni 2013 – 2017 Demokraatillu suleqatiinnermut isumaqatigiissusiaanni siulersuisuni assigiinngitsuni inuttalersuinerni kommuneqarfimmut qinikkat inunnik suliaminnik sammisaminnillu naleqquttunik pikkorissuseqartunik taarserarneqariartuaarnissaat anguniakkatut pingaaruteqartutut ilanngunneqarpoq. Tassuunatigullu inuiaqatigiinnut kiffartuussatsinnut iluaqutaasussat ujartorneqarput. Kommuneqarfik Sermersuumi Inuit Ataqatigiit qinigaatitaanni siulitaasup tullia, Charlotte Ludvigsen, ima oqarpoq: ”Tasiilami nakorsaaneq inuttut piginnaasaqarluartoq Hans Christian Florian Sørensen aningaasaateqarfimmi DEG-mi 1. januar 2016 aallarnerfigalugu … atuaruk

Akisussaaffeqarneq ineriartortitsinerlu ataatsikkoorsinnaapput

Naaja H. Nathanielsen

Naaja H. Nathanielsen, Inuit Ataqatigiit Inuit Ataqatigiinniit arfininngormat Parisimi silap pissusianut tunngatillugu isumaqatigiissuteqartoqarnera nuannaarutigivarput. Suli pitsanngoriarfissaqarpoq, nunalli tamalaat akornanni isumaqatigiissutit taamaagajuttarput. Nunat inoqqaavisa pisinnaatitaaffiisa ersarissumik ilaatinneqannginnerat uggorivarput. Taamaattorli nunat inoqqaavisa pisinnaatitaaffiinut isumaqatigiissummut kiisalu siorna nunat inoqqaavinut Verdenskonferencep inernerinut nunat FN-imut ilaasortaasut suli tapersersuisuunerat naatsorsuutigivarput. Isumaqatigiissummi pitsaasut Tamakkua saniatigut nunarsuatsinni silap pissusiatigut annertuunik anguneqarsinnaasunillu anguniagassinnerup iluatsinnera … atuaruk

Ileqqorluttuliornaveersaarnerup ullua

Naaja H. Nathanielsen

Allattoq: Naaja Nathanielsen, Inatsisartuni ilaasortaq, Inuit Ataqatigiit Ersinngitsumik aningaasalinerit, tunissutit soqutigisaqaqatigiinnikkullu aporaatsitsinerit. Ileqqorlunnerit inuiaqatigiinni tamani pisarput. Taamaattoqanngisaannarsimanissaanillu eqqarsassagaanni tamanna uppianeruvoq. Taamaattorli nunanut allarpassuarnut sanilliutissagutta tamanna uagutsinnut annertuumik ajornartorsiutaanngilaq. Qujanartumik. Taamaattuaannartitsigulu. Nunaajuaannassaagut ileqqorluiffiunngitsoq. Ileqqorlunnerillu pisut saqqummersittassavagut. Taamaattumilluuna Inuit Ataqatigiinniit ukiuni arlaqalersuni whistleblowereqarnernissamik sulissutiginnissimasugut. Nuannaarutigaarpullu Namminersorlutik Oqartussani maanna whistleblowereqarneq atuutilersimammat, tamatumalu ukiut arlallit qaangiuppata naliliiffiginissaa qilanaarivarput. Taamatut … atuaruk

Ataatsimiinneq pingaarutilik pitsaasunik angusaqarfiusoq

Allattoq Peter Preben Olsen, gruppeformandi, Inuit Ataqatigiit Inuit Ataqatigiinniit ukiaanerani ataatsimiinnermut qujavugut. Qaammatini arlalinni pimoorussilluta sulerulussimavugut. Pitsaasunilli aamma tulluusimaarutigisinnaasatsinnik angusaqarsimavugut Inatsisartuni sulinitsinni innuttaasut atukkamikkut pitsanngorsaaviginissaat, tamat oqartussaanerisa nukittorsarneqarnissaat namminiilivinnissamullu aqqutissiuinissaq aallaavigiuaannarsimavagut. Inuit salliutillugit Kikkut tamarmik aningaasaqarnikkut siuarsaanissap pisariaqartinneqarneranik oqallisiginnipput. Inuit Ataqatigiinni isumarput naapertorlugu aningaasaqarnikkkut siuarsaaneq inuit siuarsarneqarnerisigut pissaaq. Inuiaqatigiinnguusugut ullumikkut inuuniarnikkut ajornartorsiorfiuvallaaqaagut. Tamakku peqatigiilluta qaangerniassavagut. … atuaruk

Naalakkersuisooqatigiinnit akiitsunut- aningaasaliisarnermullu periusissiaq itigartinneqarpoq

Ippassaq aningaasaqarnikkut politikkitigut tukattumik ingerlaaseqartoqarpoq ilorraap tungaanut ingerlanermik takutitsisuunngitsumik. Tassani aallaaviuvoq akiitsunut- aningaasaliisarnermullu periusissiaq pillugu Inuit Ataqatigiit oqallinnissamik siunnersuutaat. Periusissiaq 2012-imi suliarineqarpoq taamanikkullu Inatsisartuni partiinit tamanit tapersersorneqarluni. Ippassaq nipi allarluinnaavoq. Naalakkersuisooqatigiinni partiit tamakkerlutik oqaaseqaatissamut itigartitsipput, taannaagaluarporlu akiitsut- aamma aningaasaliisarnerit pillugit periusissiamik malinninnissamut Inatsisartut kissaateqarnerannik akuerseqqinnissaq. Inuit Ataqatigiinniit isigalugu ukiuni qaammatinilu makkunanerpiaq sanaartugassanut, soorlu mittarfinnut aningaasaliinerit … atuaruk