Royalty pissusiviusullu

All.: Inuit Ataqatigiit Inatsisartunut qinigassanngortitaat Nunatta pisuussutai uumaatsut soorunami akeqarput, taamaattorli aamma Nunatsinnut isertitsissutissatut aalajaatsuunatillu qularnaatsuunngillat. Naak ukiorpassuanngortuni Nunatsinni aatsitassarsiornermik ingerlatsisoqarsimagaluartoq,  aatsitassarsiornikkut sulif-fissuaqarnermik pilersitsinissaq suli maannamut iluatsinngilaq. Nunarput aatsitassanik nalitoorsuarnik peqarpoq, suneqaratilli uninngaannarunik aningaasarsiornikkut naleqanngillat. Pisuussutivulli uumaatsut ataasiaannarlugit aningaasarsiutigisinnaagatsigit, piiar-neqarnissaasa akuersissutiginnginnerini isumalioqqissaarnissaq pisariaqarpoq. Taamaat-tumik annertunerpaamik iluanaarutiginiaraanni ungasissoq isigalugu pilersaarusiornissaq pingaaruteqarluinnarpoq. Nunatta aningaasarsiornikkut nammineernissaa tamatta kissaatigaarput. … atuaruk

Nipilersuutigut

    Ipugit Kiffaanngissuseq Namminiilissalluta Ataqatigiinneq Isumaarutilernersungaana maanna Maani-mp3

Qujanaq

Ukiuni kingullerni sisamani suleqatigissimanitsinnut Inuit Ataqatigiit-niit qujavugut. Ukiut sisamat pikkunartorsuit. Sorpassuit ilutsissimapput. Kisiannili aamma ilungersunartunik ajornakusoortunillu oqaluuserisaqarlutalu aalajangiisariaqartarsimavugut. Nuannarineqarnissaq piinnarnangu kisiannili eqqortunik pisarialinnillu aalajangiisarnissaq assut pingaartitarisimavarput, aamma akerlilersorneqaraluaraangattaluunniit. Suli suliassarpassuaqarpugut – allanngortitsiartuaarnermi aallartilaaginnarpoq. Taamaammat naalakkersuinikkut siuuttooqqinnissatsinnut pisinnaatitaaqqinnissarput neriuutigaarput.   Qinigaaffimmi qaangiuttumi angusimasavut tulluussimaarutigaavut. Aningaasarsiornerput nunatsinni pitsaasumik suleqataasorpassuit peqatigalugit tutsuiginartumik patajaatsumillu tunngavilerneqarpoq. Siunissamut upalungaarsarnerput misissueqqissaarnernik pilersaarusiornikkullu … atuaruk