Pissaanermik tigumminninneq pisussaaffiliivoq

Qinersinermi kingullermi Inuit Ataqatigiit nunatsinni partiini anginersanngorpoq. Tamatumuunalu siornatigumut sanilliullugu allatorluinnaq inissisimalerluni. Naallu taamatut inissisimalersimanerput partiimut kajumernarsimagaluaqisoq, suliassat naammassisariaqartut takkussuuttuarput. Tassami pissaanermik tigummisaqarneq, aamma akisussaaffimmik pisussaaffiliivoq. Pissutsit allanngoriartorfianni tamatta inuuvugut. Nunarput allanngoriartorpoq, qangaanniillimi tamanna pilerpoq. Najugaqariaaserput allanngoriartorpoq. Amerlatsikkiartortut illoqarfinnut nussorput, taamaattumillu tamanna illoqarfinni nunaqarfinnilumi periarfissanik nutaanik ammaassiffiuvoq. Ilinniagaqartut amerlatsikkiartorput, kisiannili innuttaasut akornanni aningaasassaaleqisut ikigisassaanngeqaat, ilaatigut … atuaruk

KNR piviusunut naleqqussartariaqarpoq

Inuit Ataqatigiit sinnerlugit oqaatigissavara, pingaartikkatsigu nunatsinni innuttaasut tusagassiuutit aqqutigalugit malinnaatinneqarnissaat. Taamaammat pingaaruteqarpoq ullumikkut KNR-p aningaasarsiornikkut inissisimanerlunnera suleqatigiinnikkut pitsaaliorniarlugu aaqqiissutissaasinnaasunik nassaarniaqatigiiffiginissaa. Tamaattorli ilisimassavarput ukiut namminersorfiusut tamatsinnut pisussaaffiliimmata alloriarnissatsinnik, alloriarnerlu tassaasariaqarmat akilersinnaanerulersitsinissaq. Suliffeqarfiit pisortanit tapiiffigineqarlutik aningaasaqarnermikkut tunngaveqartut sapinngisaq tamaat imminnut napatinnerulernissaat siunertaralugu aningaasarsiornikkut imminut napatittunngornissartik anguniartariaqarmassuk. Tamannaavormi kikkulluunniit naalakkersuisuutitaqaraluarpata nunatsinni avaqqussinnaanngisarput pingaarutilik. Ilumuunngilaq oqartoqarmat ukiuni kingullerni Inatsisartut … atuaruk

Inuit Ataqatigiit isumartik allanngortinngilaat

Inuit Ataqatigiinniit soorunamilu aatsitassarsiornermut naalakkersuisoq Ove Karl Berthelsen aatsitassarsiornermi tunngaviusumik Uranip tunisassiarineqarnissaanut akerliupput. Nunarujussuatsinni allanik aatsitassarsiorfissanik periarfissaqarluarpugut, soorlu aamma Nuup kangerluani saviminissamik piiaalernissamik qinnuteqaateqareernerup tamanna ersersikkaa. Nunarsuarmioqataanerup maannalu tamakkiisumik Nunatsinni aatsitas-sarsiornissamut akisussaaffimmik tigummisaqalernerup pisussaaffilerpaatigut nunarsuar-mioqatitsinnut akisussaassuseqartumik aatsitassarsiornerup tungaatigut iliuuseqarnissatsinnik. Atomip nukinganik nukissiuuteqarnermi uran ikummatissatut atorneqartarpoq. Uran aam-ma sorsunnermi atortussiassanngorlugu sakkussiarineqartarpoq tamakkuupullu Nunat-sinnit aamma isiginiagassagut. Aamma … atuaruk

Kujataani angallanneq

INUIT ATAQATIGIIT kommunalbestyrelsemi partiit allat peqatigalugit Naalakkersuisunut saaffiginninniarput kujataani angallannerup januarip aallaqqaataaniit ajorseratarsinnaaneranut akisussaasut eqeersarusulllugit. 2005-imiilli angallannermut tapiissutit 120 mio-ujuarput, naak timmsisartunut orsussaq 78 % -mik qaffannikoq sulisullu akissarsiaat 30 %-mik. Pissutsit maannakkut takutippaat pisortatigut angalatitsineq kujataani helikopteriaqqamik taamaallaat 9-aannarnik ilaasoqarsinnaasumik atuilluni ingerlatsisoqaleraluttualersoq. Ilaasullu ingammik napparsimasut eqqarsaatigissagaanni tulluanngivilluni. Annaassiniarnermut pallimanissaq qallunaat naalagaaffiata akisussaaffigisaat eqqarsaatigalugu tusatsiakkat … atuaruk